الثلاثاء، 27 سبتمبر 2011

بعضاً من مقتطفاتي الشعرية

اسألك باللي طهر حبنا عن الردية
ثلاث ايام بليا صوتك ماهي بحق حبنا قوية ؟


يمه وريد الحب فيني يشتكي نزفه
______ مقدر اداري شكوته و مقدر اداويها
دفق المشاعر من وريدي يرتجي وقفه
______ ليتك تشوفين العشق ينبض و يرويها
دنيا يا يمه و نتذكر للزمن وقفه
_____ فيها يعيد ايآمنا الحلوة و يطويها


انتظرتك لليل و نصف النهار
و قلبي من فعايلك تسمعين ونينه
طول حظورك و وجهي غدا سهّار
هو صحيح من صانك ما تصونينه ؟


هي ظروفك ولا ظروف الوقت !
اللي اعرفه ان حنيني لك متمكّن
شوفني شفقان على قولة اشتقت
و انت غايب و مرتاح البال يمكن : (

خاطري بس اغفى بأحضانك لحظات
ماشوف نفسي طماع و كثيرٍ للطلايب
حتى ان جيتني ما تكِن وياي ساعات !
كِن معي دقايق و شوف بعيني السبايب : (

جمع ورقك و لفلف اوراق الشجر
______________ و احرق دموعك .. لا تطفي هاللهيب
ما عدت ملكك يا حبيبي و الدهر
______________ غرب و شرق مالقى له من حبيب
و اليوم اجيك بخاطري شمعة و جمر
______________ ارجيك انا .. تبعد و تاخذ هالنصيب

غابت الشمس و ارتفع صوت الاذآن
انت بين الاهل مِفطر و ناسيني
وانا ارفع يدي و ادعي تكون بأمان
و يحفظك الله لي و لباقي سنيني : )

الشوق آية في حياة المحبين
............... و البعد عن أهل المحبة مصيبة
و الله على فرقاك يا ... يعيين
............... و يوفقك يالغالية يالحبيبة
القلب يدعي و الجوارح يصلين
............... يطلبٍ ربٍ من رفع له يجيبه
يعييد حلوة الذكريات المزايين
............... و يعالج الفرقا بروحٍ عطيبة

كنت لك و بين يدينك حياتي
لكن انت غدرت و ما وفيت
قدمت تضحيات تساوي مماتي
و بغباء منك قتلتني و اقفيت





ليست هناك تعليقات:

إرسال تعليق