الجمعة، 28 مايو، 2010

مساء الخير .. علومكم ؟
ساحب على مدونتي سحبة اليمة , بس اختباراتي قلق و الشغل اقلق و النوم سلطان < خلاص درينا :D
خخخخخخ رحت الموعد مع اختي < خلود تراها ماهي لبنانية وجع :P , المهم طاح وجهها و بإذن الله انه ولد يشبهني ! < نصب :$
اما بخصوص الويك اند هذا كان فلة و وناسة الحمدلله ..
الاربعاء كان فيه عزيمة حاطها جدي الله لا يبثره من كثر عزايمه :D , رحت وكانوا الشباب فالينها كورة و سوني و سباحة و الخ
المهم انها كانت عزيمة تحفة الحمدلله !
الخميس كنت طالع للبر و من بعدها رحت الفيصلية عشان اصور و كذا , كان زحمة موت مع اني رايح العصرية
بس كلها طقة ثانوي و متوسط بنات وعيال و ناس داجة , يعني عادي تمر من عندهم و فجأة الولد يقول للبنت الـ BB PIN حقي كذا وكذا
وهي تستقبل بسعة صدر :D حوموا كبدي ماصدقت اني طلعت منها
بعدها بالليل اجتمعوا عندي الربع و هاتك يا للعب و تحدي و افلام !! , ختامها كان عشاء بـ بوفية يحبها قلبكم :D
اهم شيء ثلاث ارباعهم تسمموا وانتهى الخميس
الجمعة ملل و سقامة و مدري وش بسوي بالليل , توني راجع من مكتب الحجوزات ناوي ان شاء الله اسافر ايرلندا بعد الاختبارات على طول اخذ لي كورس للغة و بعدها بنهاية شعبان اتوقع بنزل لـ فرنسا مع الاهل < عندنا ناس زعوليين :P
ومن حماسي عاد تشريت للسفر بناطيل و تي شيرتات , ودي انزلهم هنا بس اسف متعيجز !
بالحلقة الاخيرة بس كنت حاب افرغ طاقة الكلام اللي فيني هنا و تحملوني ..
و دعواتكم لي بالتوفيق و عدم الكسل وقت الدراسة < متعوب على الجملة :o

الثلاثاء، 18 مايو، 2010

مساء الخير ؟
مين يعرف اي زفت لوجع الراس !
بذاكر ماقدرت , بكرا عندي اختبار ريض و طويل عريض الله يعيين
بركز ماقدرت طول جلستي صاير اكل × اكل :d ..
فيه احد يذاكر وهو يسمع اغاني ؟ شسوي طيب احس ابي اعطي نفسي دافع < تسمع بالدوافع خخخخخ
عاد اليوم متحمس بتجي عندنا اختي اسمها ( لندا ) لحد يخنبق عند الاسم ندري انه اسم شغالة :p
بس عروقها ماهي سعودية بنت اللذينا , المهم هي حامل و صاير شكلها تحفة يعني انواع التنكيت عليها و على كرشها
عاد هي من حملت وتقول يارب اجيب بنت , و تبيها مزيونة قلت ابد خليك قبال خشتي بتجي بنتك احلى من الحلا :$
عساها تجيب بنت ملينا من العيال ماشاءالله كل من حمل جاب ولد ..
هي بتجي ع اساس تبيني اروح معها للموعد حقها عشان تشوف نوع الجنس , اقولها خلي رجلك يروح معك تقول مابيه
بايعته بريال الله يصبره بس :d
يارب ما يجيها احباط و تكون بنت :d
* دعواتكم

الأربعاء، 12 مايو، 2010

صباح الفجر !
اليوم رياضنا منورة :$ , و عساها دايم يارب < أكذب :d

بعبر شوي عن مودي الحلو الرايق الجميل , و ابداً ما اتهزأ ترى !!
كنت متحمس لشيء بالشغل و مجهز له اشياء كثيرة و اساسيات و شروط مناسبة
و فجأة يطلع بدربي شخص لا راح ولا جاء , تحطيم صح ؟
المهم عاد أنا ما تحطمت ابدا ابدا < ابد :d , بس اني عصبت و كذا حركات طبيعية الحمدلله

و حالياً جالس اشتغل على افكار ثانية للشغل ان شاء الله ..
بس خل اخلص اختبارات و اتكتك صح
على طاري الاختبارات , جدولي الاسبوع الجاي كله قرف و مواد زفت :/
ماحظرت للمذاكرة شيء ابدا من الفلاحة !
كل يوم اقول ببدا بكرا و يجي اللي بعده و انا بمكاني :d < كأي طالب بفترة الاختبارات هع


اخطم لكم شوية ؟ :$
اليوم أذنت آذآن المغرب و العشاء بمسجد بالرياض :$ , الامام حابني الحمدلله و جداً خلوق و هاتك يا تكبير رآس
حسيت ان راسي ماراح يطلع من باب المسجد :d !
طبعاً كانت اول تجربة لي إني أأذن بمسجد كبير و كذا , قبل كان حدي مسجد مدرستي بالثانوي خخخخ او مصلى جامعتنا الحين
ادري مالكم دخل بالشيء بس كيفي بتكلم و افرغ الطاقة اللي فيني !
خلاص خلصت ترى ..

* للي قالوا عرفنا بنفسك اكثر ان شاء الله بعرفكم , بس شوي شوي .. : )




السبت، 8 مايو، 2010

نكفر بالإنسانية في " ظل " الجموح
و نستمتع لآخ نفس ..
هل عشتَ ذلك الشعور ؟ :o

الخميس، 6 مايو، 2010


























الله حييهم ..
ماشاءالله المشتركين بمدونتي 7 ! , توني آلاحظ .. منوريني والله
طبعاً انا اكتب هنا ع حسب المزاج , يعني احيانا تكون كتاباتي سوالف و دردشة خارج التغطية
و احيانا كتابات أدبية و أحيانا ادعم الكلام بصور
هالمرة بتكلم عن يومي أمس !
طبعاً محسوبكم مستلم ادارة شركة الوالد - الله يرحمه - ( أمور ادارية و مالية ) بالرياض ..
و امس تم افتتاح قسم جديد بالشركة , هو قسم مختص بالبرمجة
تخيلوا اكثر من 24 سنة عايشين بدون قسم برمجة ! , يعني الادارة كانت ميح و شغالين ع اللاب توبّات بس
و بما اننا موظفين نكرف الاجهزة و اللاب حقي شفته من تآلي صاير يعلق و فرمته قبل فترة بسبب الضغط عليه
قررت اننا نفتح قسم برمجة بحيث نجيب اجهزة ديسك توب و نشتغل عليها و نوظف كم مختص بهالمجآل افضل
و المشروع من زمآن ببالي و الحمدلله قبل امس إنتهى و امس سوينا حفلة للإفتتاح , بيننا احنا الموظفين
و دعمتنا شركة ( طيران ناس ) الله يعافيهم
و الشكر موصول للاستاذ و الاخو الفاضل : سالم حمود المرّي , كان المشجع الرسمي لي :d
و من فزعته قرر ان شركة طيران ناس تدعمنا بالحفل البسيط : )



هذي الصورة تجمع الاخو سالم و المهبل الاثنين واحد ع اليمين و الثاني ع اليسار و يتوسطهم سالم :d

اللي ع اليميين موظف عنده خبرة 14 سنة هالهندي ! , فيه شوفة نفس ماهي صاحية الله يصلحه

لا تستغربون ترى الحفل جامع الهنود ( لأن بعضهم رئيسيين بشركة الطيران تبع ناس ) و جنسيات مصرية و لبنانية بشركتنا ^_^

< ما يستغني عن المصاريا خخخخ





هنا صديقي الصدوق و شبه شريكي بالمشاكل :p اللي لابس رمادي و ماسك صحن اسمه تركي يالبى قلبه



انسان فزعة بس يحب يرز وجهه < بتصفق أدري ..





و هنا لقطة ثانية لتركي ( الفريان على غفلة ) :d ..



بعد ما طفحنا و احتفلنا بالقسم الجميل , اللذي نال على اعجآب الزوار و اعجابي هع



قررنا نروح للاستراحة , منها نلعب بلوت و منها كيرم < قديييم ، و منها نتسدح








كانت جلسة توسع الصدر الحمدلله , بس ماقدرت اطول لأن الاهل كانوا بيطلعون مشوار و اضطريت اوديهم


و ان شاء الله نجتمع مرة ثانية لافتتاح قسم آخر للنساء ان شاء الله : ) !


و في الختام لقطة للمبرمج ابراهيم حسن الله , فلبيّني الجنسية خخخخخ





دعواتكم لي بالتوفيق ..