الجمعة، 20 مايو، 2011

لحظات فوتوغرافية

مساء الخير على الكل
طبعاً خبركم الصيف قرب و البعض تجهز نفسيا و ماديا و معنويا للسفر و البعض بيجلس يحرس ديرته < ما يقهر ابو بندر ههههه
المهم قبل شوي كنت بموقع عجيب صراحة و قبل لا ابدأ افسر لكم ليه هو عجيب خل اعطيكم اياه تفضلوا :
http://photo-wd.com/

هذا الموقع أعرفه من قبل , لكن كنت كل ما ادخله الاقي فيه معلومات سبق و عرفتها فأكبّر راسي و اطنش ( فيني شوفة نفس من تالي )
بس اليوم جلست عليه جلسة محترمة , و فتحت موضوع موضوع و اقرأ بضمير , لقيت نفسي جاهل ! ( بدري ياعمي )
المهم طحت على فقرة مهمة لي بخصوص السفر , و دائماً تصير لي للأسف :/
أذكر بالصيفية الي راحت و الي قبلها , كنت متحمس للسفر بس عشان أحصل على لقطات تسوى بمعنى الكلمة , لكن الصيفية الي راحت لما رحت باريس كنت أعتقد اني بروح و برجع معاي ميموري مليانة صور " تسوى " , طلعت ما عندي سالفة و انقهرت بصراحة يعني على روحتي ما طلعت الا بكذا صورة و ما أرضوني بعد ! و استغرب لما اشوف اشخاص راحوا باريس لكن طلعوا بصور و اماكن جميلة جداً و تفوق الوصف والله
بعد ما تأكدت من ان الخلل مو في الكام و لا في الاعدادات , الخلل في اني ماعرفت اختار أماكن و زوايا جميلة ! يعني مثلاً صور برج ايفيل بعد ما راجعتها لقيت ان الزوايا الي صورت منها اعتياديّة جداً و هذا الشيء احبطني كثير لكن مو مشكلة الانسان يتعلم و لا هو عيب ابدا
فهذا الموقع ساعدني على ايجاد الحل المناسب لي شخصياً
شوفوا معاي هالفقرة :
البحث عن الفرص التصويرية قبل السفر
بهذه الصفحة http://photo-wd.com/category/toutorials/page/2/
بعد ما خلصت قراءة حسيت ان هالفقرة موجهة لي ( لا ياشيخ ) , الحل بسيط و عرفت الخلل وين
كان لازم اعرف الامكان المطلّة على البرج + التوقيت المناسب + الزوايا المناسبة و الي تعطي البرج منظر أجمل بغض النظر عن التوقيت

طبعاً من الحماس سويت فاف للصفحة بدون تفكير , عشان قبل ما اسافر بالصيفية الجاية أحدد الاماكن الي ابيها
و الأهم ان من الواجب ابتكار نظرة مختلفة عن بقية المصورين , عشان أتفادى التقليد و تكون لي نظرة مختلفة , و لكل مصور احساس و نظرة خاصة !

حبيت افيدكم مثل ما استفدت فقط لا اكثر : )

الخميس، 12 مايو، 2011

MAY 11

صباح الخير
توي أصحى من بعد احلى نومة و احلى لليلة , تمنيت ان لليلة امس تكون مشبوكة مع اليوم خخخخخ
طبعاً زي ما توقعت أمس الاربعاء ما كنت متواجد بالرياض عشان أشارك الي احبهم الفرحة بأسعد يوم لي !
كل الي اعرفهم مستغربين ليه أنا فرحان بيوم ميلادي هالكثر ! , معاهم حق ما قد فرحت بميلادي زي كذا و لا قد احتفلت به و لا فكرت اصلا ههههههه
لكن أمس غير و مختلف عن باقي السنين , أنا وصلت للعمر الي تمنيته ثلاثة و عشرون عاماً تنطح عاما ( جوّك ) عاد بحكم إني مو بالرياض و بمدينة ما قد زرتها و لا اعرف فيها أماكن كثير و لا حولي ناس اعرفهم الا عمي , قررت أتصل على واحد من اخوياي يدرس بمدينة قريبة من الي أنا فيها قلت له انزل لي بأحتفل بيومي ياخي و لا أعرف اماكن هنا :/ و فعلاً الله يعافيه نزل عندي و سوا الواجب خخخ
التناحة الي صارت لي امس هي على وقت الصبحيّة , يا جعلكم ما تشوفوني هههههههه فهاوة فهاوة مو بأحد والله !!
كنت صاحي بدري الصباح على عشرة كذا , و أنزل افطر و يجيني موظف الريسيبشن يقول إن لك طرد معانا , قلت يمكن انه غلطان بس يلا بروح اشوف وش هالطرد
يوم رحت اشوف فيه ३ علب , و أشيك ع الطرد الا باسمي ! , و اساساً انا قبل ما اصحى كنت مخلي جوالي البلاك بسيارة السواق يعني ما ادري مين محاكيني و مين مرسله
و أخذ العلب للغرفة و جلست اصورهم هههههههه صراحة اشكال العلب تغري بالحيل




و على العصرية رحت اخذت جوالي من السواق ( انواع البرود ) , و الاقي انواع التهزيء من خالتي شوق هههههههههه تقول الله ياخذني اذا سويت لك مفاجأة مرة ثانية قلت وش السالفة قالت ما وصلتك هديتي يالفاهي , بعد ما صحصح مخي اكتشفت انهم هدايا ( صح النوم )
الهدية الاولى من خالتي , الثانية من مجهول و احس ودي امطخ هالمجهول على الهدية :$ من اروع الهدايا بس قهر مافيه داخلها كرت و لا اسم , بينما الثالثة من خواتي الله يخلهيم لي !
انا مو وجه مفاجات و خصوصاً بهالمناسبات لذلك تنحت و ما صحصحت الا متأخر
ما توقعت اني بصحى و بلاقي احد شاحن هدايا لي لحد الفندق الي انا فيه ! , يعني شعور ما اقدر اوصفه شعور رائع ان فيه اشخاص تحبهم ذكروك بهاليوم و مو أي ذكرى بعد !
من جد حركتهم لا تُنسى ابداً , ما لقيت شيء يكفي لشكرهم والله و خاطري مرة اعرف مين المجهول الي مرسل لي :/


برضو فيه هدية مميزة جتني , تسوى كل هالهدايا وربي :$ الله لا يحرمني بس
لكن مو عارضها هنا

و بس , حبيت لليلة امس يكون لها بصمة بمدوّنتي : )

الثلاثاء، 3 مايو، 2011

:$

وخروا وخروا هذي مساحة للناس الي يحبوني فقط :$ و يهدوني و يتذكروني :$

وصلني هذا الجميل قبل كم يوم , في الحقيقة هو هدية يعني ما شريته خخخخ
الله يخليه و لا يحرمني بس , من جد حلو شعور الهدية خصوصاً اذا جتك بدون علم و فجأة
مع ان الآيباد ما كان ببالي ولا فكرت ابداً اشتريه , لأن بالأصل عندي ايباد ون ( الارقام بالبلوق تتحول لياباني فجأة :@ ) و نفس الحالة هدية و للحين ما تفاعلت معه و الله
أحس الآيفون مكفيني و اساساً انا مو اهتماماتي هالأشياء , لكن الشعور بحد ذاته عجيب مرة
كان ودي تجيني هدية عدسة سيجما و كذا :$ , بس الشخص زبد لي و قال احمد ربك ذكرتك :$ ( وسيع وجه خخخخخ ) !

- مساحة خاصة -