الجمعة، 20 مايو، 2011

لحظات فوتوغرافية

مساء الخير على الكل
طبعاً خبركم الصيف قرب و البعض تجهز نفسيا و ماديا و معنويا للسفر و البعض بيجلس يحرس ديرته < ما يقهر ابو بندر ههههه
المهم قبل شوي كنت بموقع عجيب صراحة و قبل لا ابدأ افسر لكم ليه هو عجيب خل اعطيكم اياه تفضلوا :
http://photo-wd.com/

هذا الموقع أعرفه من قبل , لكن كنت كل ما ادخله الاقي فيه معلومات سبق و عرفتها فأكبّر راسي و اطنش ( فيني شوفة نفس من تالي )
بس اليوم جلست عليه جلسة محترمة , و فتحت موضوع موضوع و اقرأ بضمير , لقيت نفسي جاهل ! ( بدري ياعمي )
المهم طحت على فقرة مهمة لي بخصوص السفر , و دائماً تصير لي للأسف :/
أذكر بالصيفية الي راحت و الي قبلها , كنت متحمس للسفر بس عشان أحصل على لقطات تسوى بمعنى الكلمة , لكن الصيفية الي راحت لما رحت باريس كنت أعتقد اني بروح و برجع معاي ميموري مليانة صور " تسوى " , طلعت ما عندي سالفة و انقهرت بصراحة يعني على روحتي ما طلعت الا بكذا صورة و ما أرضوني بعد ! و استغرب لما اشوف اشخاص راحوا باريس لكن طلعوا بصور و اماكن جميلة جداً و تفوق الوصف والله
بعد ما تأكدت من ان الخلل مو في الكام و لا في الاعدادات , الخلل في اني ماعرفت اختار أماكن و زوايا جميلة ! يعني مثلاً صور برج ايفيل بعد ما راجعتها لقيت ان الزوايا الي صورت منها اعتياديّة جداً و هذا الشيء احبطني كثير لكن مو مشكلة الانسان يتعلم و لا هو عيب ابدا
فهذا الموقع ساعدني على ايجاد الحل المناسب لي شخصياً
شوفوا معاي هالفقرة :
البحث عن الفرص التصويرية قبل السفر
بهذه الصفحة http://photo-wd.com/category/toutorials/page/2/
بعد ما خلصت قراءة حسيت ان هالفقرة موجهة لي ( لا ياشيخ ) , الحل بسيط و عرفت الخلل وين
كان لازم اعرف الامكان المطلّة على البرج + التوقيت المناسب + الزوايا المناسبة و الي تعطي البرج منظر أجمل بغض النظر عن التوقيت

طبعاً من الحماس سويت فاف للصفحة بدون تفكير , عشان قبل ما اسافر بالصيفية الجاية أحدد الاماكن الي ابيها
و الأهم ان من الواجب ابتكار نظرة مختلفة عن بقية المصورين , عشان أتفادى التقليد و تكون لي نظرة مختلفة , و لكل مصور احساس و نظرة خاصة !

حبيت افيدكم مثل ما استفدت فقط لا اكثر : )

هناك 4 تعليقات:

  1. شكرا على المعلومة تحياتي

    ردحذف
  2. يعطيك الف عافيه ع الموقع
    وع المعلومات

    ردحذف
  3. كريمة العفو و حياك

    ردحذف
  4. اماني اهلا بك
    و ربي يعافيك

    ردحذف