الجمعة، 28 مايو 2010

مساء الخير .. علومكم ؟
ساحب على مدونتي سحبة اليمة , بس اختباراتي قلق و الشغل اقلق و النوم سلطان < خلاص درينا :D
خخخخخخ رحت الموعد مع اختي < خلود تراها ماهي لبنانية وجع :P , المهم طاح وجهها و بإذن الله انه ولد يشبهني ! < نصب :$
اما بخصوص الويك اند هذا كان فلة و وناسة الحمدلله ..
الاربعاء كان فيه عزيمة حاطها جدي الله لا يبثره من كثر عزايمه :D , رحت وكانوا الشباب فالينها كورة و سوني و سباحة و الخ
المهم انها كانت عزيمة تحفة الحمدلله !
الخميس كنت طالع للبر و من بعدها رحت الفيصلية عشان اصور و كذا , كان زحمة موت مع اني رايح العصرية
بس كلها طقة ثانوي و متوسط بنات وعيال و ناس داجة , يعني عادي تمر من عندهم و فجأة الولد يقول للبنت الـ BB PIN حقي كذا وكذا
وهي تستقبل بسعة صدر :D حوموا كبدي ماصدقت اني طلعت منها
بعدها بالليل اجتمعوا عندي الربع و هاتك يا للعب و تحدي و افلام !! , ختامها كان عشاء بـ بوفية يحبها قلبكم :D
اهم شيء ثلاث ارباعهم تسمموا وانتهى الخميس
الجمعة ملل و سقامة و مدري وش بسوي بالليل , توني راجع من مكتب الحجوزات ناوي ان شاء الله اسافر ايرلندا بعد الاختبارات على طول اخذ لي كورس للغة و بعدها بنهاية شعبان اتوقع بنزل لـ فرنسا مع الاهل < عندنا ناس زعوليين :P
ومن حماسي عاد تشريت للسفر بناطيل و تي شيرتات , ودي انزلهم هنا بس اسف متعيجز !
بالحلقة الاخيرة بس كنت حاب افرغ طاقة الكلام اللي فيني هنا و تحملوني ..
و دعواتكم لي بالتوفيق و عدم الكسل وقت الدراسة < متعوب على الجملة :o

هناك تعليق واحد:

  1. الله يكتب لنآ التوفيق =)

    ..
    سعود ,
    لك دعوة منّي هنآ
    http://khloodal-ahmadi.blogspot.com/


    =) , طِبت

    ردحذف