الخميس، 17 فبراير، 2011

شعبٌ محروم

شعبٌ محروم !


كنت راح ادوّن بالفصحى لكن لقيت ان العاميّة أقرب و بتخليني أعبر عن الي بقوله بشكل أوضح و أسرع , في الفترة الي طافت كنت في احدى المجالس مع اقرباء لي و كانوا يتكلمون عن " الحب " و كيف ان مجتمعنا و الشعب العربي عامة مكبوت من هالناحية و الخ
لما دخلت في صلب النقاش معاهم و ناقشت عقولهم اكتشفت انهم فاهمين هالمُسمى غلط !
كلمة " حب " يفسرونها بس كـ علاقة بين رجل و امرأة , يعني مثلا / كلمة احبك ما تنقال الا للحبيب و الحبيبة ॥
خلوني بأعترف بشغلة نادر ما يعترفون فيها الناس , أحبك لما تنقال بمجتمعنا " نستغرب " لأننا تعودنا ما نسمعها الا بمناسبة معينة بين شخصين أو بالمسلسلات و الافلام خخ
نادراً ما نسمعها بدون مناسبات و غيره !! نادر و بقوة , و بنفس الوقت محيّرني كثير والله ॥
ليه المجتمعات الغربية يقولونها لكل شخص يعني لهم و بدون أي مناسبة و يقولونها باليوم أكثر من عشر مرات حتى ؟
ليه يرفهون عن مشاعرهم و احنا كابتين , ما اقول لكم اننا شعب عربي " ما يحب " و لا يعرف يحب ! ابداً بالعكس المشكلة اننا بالمشاعر اصدق منهم غالباً

بوقف كلام عن المجتمع العربي , بتكلم عن نفسي شوي :)
أهلي و أغلب الي حولي دائماً يقولون لي انت انسان مندفع و صريح بمشاعرك و هالشيء مو حلو و ياليتك مو كذا
ليه يقولون لي كذا ؟ , انا لا شعورياً لما اجلس مع شخص يعني لي و اهتم فيه و فعلا اعزه تطلع معاي كلمة " ياخي والله احبك "
و ما احسه عيب ابدا و لا اندفاع يمكن صراحة لكن شيء ايجابي مو سلبي ॥
وش المانع من اني أعلم الشخص الي احبه بحبه لي ؟ مهما تكون علاقتي فيه سواء صديق او اخ او غيره
أشوف نفسي مستمتع لما احد يقولها لي بشكل عفوي و بدون مناسبة , فأستغرب كثيير من الي يجلسون ايام بدون ما يقولون هالكلمة
ناس اعرفهم يقولون : طيب انا بيني و بين نفسي عارف ان فلان يحبني و كثير بعد , طيب كلنا عارفين ان مافيه احد بيعاشرك و هو ما يحبك !
بس نفس معنى الكلمة و شعورها ليه ننحرم منه ؟ بس عشان معرفتنا بحب فلان لنا ؟
غالباً الناس ما تفرق معاهم انقالت لهم و لا ما انقالت , بس ترى مو قِلة اهتمام لكن تعودنا خلاص و للأسف اننا تعودنا
و البعض اعرفهم يقولون : اذا بنصير كثير نقولها بنمل و نطفش !!!!
هههههههه و الله شي يضحك و يضيق الصدر بنفس الوقت , بالله مو مكبوتين و محرومين ؟ و المشكلة حارمين أنفسنا ما احد حرمنا هالشيء

-

شيء ببالي و كتبته , و بالنهاية هي وجهة نظري الخاصة :)
أحبكم في الله ( اطبق درسي الي فوق =प )

هناك 5 تعليقات:

  1. صدق شعب حآرم نفسه من التعبير , وبالمقآبل حرموآا انفسهم من الاشبآع . .


    ومآيغثونك الآ اذآ آربطوآ هالشي بالطبيعه وارضنآ الخشنه < مدري وش دخلهآ !!

    وموو بالحب بس .. تلقي الوآحد ( يحمر ويصفر ) لين يقول كلمه حلوه . . خخخخ


    بس عجبتني سآلفه نمل منهآ ونطفش ^ ^


    آممم آحبك في الله < تطبيقي ههههههههآآي

    يعطيك العآفيه خيوو

    : وريده برتقآاليه :

    ردحذف
  2. هههههههههههههههههههههههه
    حلوة تصريفتهم الجديدة اجل الطبيعة و ارضنا الخشنة
    الا من نفسيّاتهم خخخخ

    ايه الكلام الحلو يطلع من الحب و الاعتراف بمشاعرهم
    الله يعيينهم بس :)

    حبك ربك , و الله يعافيك ع التعليق

    ردحذف
  3. ياخي والله انا الي احبك <3
    - يمكن صادق. بس على شوي شوي بتتفتح العقول =)

    ردحذف
  4. أحبك (:

    ردحذف
  5. حبكم ربكم ان شاء الله ..

    منوريين

    ردحذف